Monday, May 3, 2021

திருக்குறள் - துறந்தார் பெருமை

திருக்குறள் - துறந்தார் பெருமை 


திருவள்ளுவர் உயர்ந்த விடயங்களை, மிக ஆழமாகவும் அதே சமயம் மிக சுருக்கமாகவும் சொல்லும் இயல்பு உடையவர். அவருக்கு நகைச்சுவை உணர்வு இருக்குமா? 


இருக்கிறது என்று சில இடங்களில் தொட்டுக் காட்டுவார். அப்படி தொட்டுக் காட்டும் இடங்களில் இந்தக் குறளும் ஒன்று. 


துறப்பது கடினம். அப்படி துறந்தவர்களின் பெருமை எவ்வளவு பெரியது என்று கேட்டால் எப்படி சொல்லுவது? அதை எப்படி அளப்பது? மலை அளவு பெரியது...வானம் போல உயர்ந்தது என்று சொல்லலமா என்று யோசிப்போம். 


வள்ளுவர் சொல்கிறார் "துறந்தார் பெருமை எவ்வளவு என்று எண்ணிச் சொல்ல முடியும். அது எவ்வளவு என்றால் இதுவரை மொத்தம் இந்த உலகில் இறந்தவர்களின் எண்ணிக்கை எவ்வளவோ அவ்வளவு" என்கிறார். 


"நீ போய் இதுவரை இறந்தவர்கள் எத்தனை பேர் என்று கணக்கு எடுத்துக் கொண்டு வா. அந்த எண் எவ்வளவு பெரியதோ அதை விட பெரியது துறந்தார் பெருமை" என்று இடக்கு மடக்காக கேட்பவர்களுக்கு அவர்கள் வழியிலேயே பதில் சொல்கிறார். 


பாடல் 


துறந்தார் பெருமை துணைக்கூறின் வையத்து

இறந்தாரை எண்ணிக்கொண் டற்று.


பொருள் 


https://interestingtamilpoems.blogspot.com/2021/05/blog-post_3.html


Please click the above link to continue reading


துறந்தார் = முற்றும் துறந்தவர்கள் 


பெருமை = பெருமை, புகழ் 


துணைக்கூறின் = எத்துணை என்று சொல்ல வேண்டும் என்றால் 

வையத்து = உலகில் 


இறந்தாரை = இதுவரை இறந்தவர்களின் 


எண்ணிக்கொண் டற்று. = கணக்கு எடுத்துப் பார்த்தால் எவ்வளவு பெரிய  எண் வருமோ அந்த அளவு 


எண்ணி எடுக்க முடியுமா? முடியாது என்பதால், துறந்தவர்களின் பெருமையும் இவ்வளவு என்று சொல்ல முடியாது.  அது கணக்கில் அடங்காதது. 


சின்னதாக ஒரு புன்னகையை வரவழைக்கும் குறள். 


சரிதானே?



4 comments:

  1. என்ன அருமை ...
    வணக்கம் அண்ணா ....

    ReplyDelete
  2. Sir, You are not revealing your name. I want to send this to all my contacts. But absence of author's name makes my job difficult.

    ReplyDelete
    Replies
    1. I sent a mail to the e mail ID you shared. The mail bounced. Can you please check the mail ID you shared.

      Delete
    2. I think he made a small spelling mistake. If you correct it to "chittanandam" instead, it might work.

      Delete