திருக்குறள் - தவம் - ஒரு முன்னோட்டம்

 திருக்குறள் - தவம் - ஒரு முன்னோட்டம் 

https://interestingtamilpoems.blogspot.com/2024/05/blog-post_14.html

துறவறத்தில் முதல் அதிகாரம் அருளுடைமை. இல்லறத்துக்கு எவ்வாறு அன்பு அடிப்படையோ, அது போல துறவறத்துக்கு அருள் அடிப்படை. அனைத்து உயிர்கள் மேலும் செலுத்தும் கருணை அருள் எனப்படும்.  

இரண்டாவது அதிகாரம் புலால் மறுத்தல்.  அனைத்து உயிர்கள் மேலும் கருணை இருந்தால், அவற்றை கொன்று தின்ன மனம் வராது. எனவே, புலால் மறுத்தலை இரண்டாவது அதிகாரமாக வைத்தார். 

அடுத்ததாக தவம் என்ற அதிகாரம். 

தவம் செய்தால் பெரிய பெரிய சக்திகள் வரும், மூன்று காலத்தையும் உணர முடியும், பணம், செல்வாக்கு, பதவி எல்லாம் கிடைக்கும் என்று பல நூல்கள் சொல்கின்றன. தவம் செய்து பெரிய பெரிய வரங்களைப் பெறலாம் என்று படித்து இருக்கிறோம். 

தவம் என்றால் என்ன?  

காட்டுக்குப் போய், புற்று மேலே வளரும் படி உண்ணாமல், உறங்காமல் இருப்பதா?  நீருக்குள் மூழ்கி, நெருப்புக்கு நடுவில் இருப்பதா தவம். அப்படி எல்லாம் செய்தால் யாருக்கு என்ன பயன்?  நீருக்குள் மூழ்கியே இருப்பது தவம் என்றால் தவளை, மீன் போன்றவை பெரிய தவசீலர்களாகி விடும். 

இந்த அதிகாரத்தில் தவம் என்றால் என்ன, அதை எப்படிச் செய்வது, அதனால் என்னென்ன பலன்கள், என்பது பற்றி சொல்ல இருக்கிறார். 

மிக முக்கியமான அதிகாரம். 

கவனமாக சிந்திப்போம்.