சுந்தர காண்டம் - செயலைத் தொடங்குங்கள், உதவி உடனே வரும்

சுந்தர காண்டம் - செயலைத் தொடங்குங்கள், உதவி உடனே வரும்  

"Until one is committed, there is hesitancy, the chance to draw back-- Concerning all acts of initiative (and creation), there is one elementary truth that ignorance of which kills countless ideas and splendid plans: that the moment one definitely commits oneself, then Providence moves too. All sorts of things occur to help one that would never otherwise have occurred. A whole stream of events issues from the decision, raising in one's favor all manner of unforeseen incidents and meetings and material assistance, which no man could have dreamed would have come his way. Whatever you can do, or dream you can do, begin it. Boldness has genius, power, and magic in it. Begin it now."

~Goethe

சுந்தர காண்டம் படித்தால் துன்பம் விலகும் என்று ஏன் சொல்கிறார்கள் ?

எதையும் படித்தால் மட்டும் போதாது. படித்ததின் படி நடக்கவும் வேண்டும். 

சுந்தர காண்டம், கவலையில் சோர்ந்து போய் , உட்கார்ந்து விட்டவர்களை தட்டிக் கொடுத்து வேலை செய்ய ஊக்குவிக்கிறது. 

அனுமன், மகேந்தர மலையில் இருந்து  கிளம்பி விட்டான். தேவர்கள் கூட அவனை வாழ்த்தி அனுப்பி வைத்தார்கள். அவர்களின் அனுக்ரஹம் அவனுக்கு உண்டு என்று அவர்கள் உணர்த்தினார்கள். 

ஒரு நல்ல காரியத்தை தொடங்கிவிட்டால், இந்த உலகமே உங்களுக்கு உதவி செய்யத் தயாராகி விடும். 

இந்த உலகம் மட்டும் அல்ல, விண்ணுலகும் உங்களுக்கு துணை நிற்கும். 

துன்பத்திற்கு காரணம், முயற்சி இன்மை. முயற்சி குறைவு.

உற்சாகத்தோடு தொடங்குகள். நீங்கள் எதிர் பார்க்காத இடத்தில் இருந்தெல்லாம் உதவி தானாக வந்து சேரும். 

என்னால் எப்படி முடியும், இது எல்லாம் நடக்கிற காரியமா, எவ்வளவு பெரிய வேலை என்றெல்லாம் சோர்ந்து விடாதீர்கள். 

தொடங்குகள். உதவி வரும். 

பாடல் 

இத் திறம் நிகழும் வேலை, இமையவர், முனிவர், மற்றும்

முத் திறத்து உலகத்தாரும், முறை முறை விரைவில் மொய்த்தார்,

தொத்து உறு மலரும், சாந்தும், சுண்ணமும், இனைய தூவி,

'வித்தக! சேறி' என்றார்; வீரனும், விரைவது ஆனான். 

பொருள் 

இத் திறம் நிகழும் வேலை = இப்படி இந்த நிகழ்சிகள் தொடங்கிய போது 

இமையவர் = இமைக்காத தேவர்களும் 

முனிவர் = தவ முனிவர்களும் 

மற்றும் = மற்றும் 

முத் திறத்து உலகத்தாரும் = மூன்று உலகத்தில் உள்ளவர்களும் 

முறை முறை = வரிசை வரிசையாக 

விரைவில் மொய்த்தார் = விரைந்து வந்து 

கொத்து உறு மலரும் = கொத்து கொத்தான மலர்களையும் 

சாந்தும் = சந்தனத்தையும் 

சுண்ணமும் = வாசனைப் பொடிகளையும் 

இனைய தூவி = ஒன்றாகத் தூவி 

'வித்தக! = அறிஞனே 

சேறி' என்றார் = செல்க என்றார்கள்  

வீரனும், விரைவது ஆனான். = வீரனான அனுமனும் விரைந்து சென்றான் 

அவர்கள் எல்லாம் வந்து வாழ்த்தினார்கள் என்றால் அர்த்தம் என்ன ?

ஒரு நல்ல காரியத்தை தொடங்கினால், உதவி எல்லா பக்கத்தில் இருந்தும் தானாக வந்து சேரும். 

தைரியமாகத் வேலையைத் தொடங்குங்கள். 

கவலைகள் மறையும். இன்பம் பிறக்கும்.