விவேக சிந்தாமணி - சேலை கட்டிய மாதர் 

ஆலகால விடத்தையும் நம்பலாம் ஆற்றையும் பெரும் காற்றையும் நம்பலாம் 
கோலமா மதயானையை நம்பலாம் கொல்லும் வேங்கைப் புலியையும் நம்பலாம் 
காலனார் விடு தூதரை நம்பலாம் கள்ளர் வேடர் மறவரை நம்பலாம் 
சேலை கட்டிய மாதரை நம்பினால் தெருவில் நின்று தியங்கித் தவிப்பரே! 

எவ்வளவோ அறங்களை எடுத்துச் சொல்லும் நம் தமிழ் இலக்கியங்கள், பெண்களின் ஆற்றலை குறைத்தே மதிப்பிடுகிறதோ என்று தோன்றுகிறது.

ஏன் பெண்களை நம்பக் கூடாது ?

மற்ற அனைத்திற்கும் ஒரு குறிக்கோள் உண்டு, ஒரு குணம் உண்டு, அவை அப்படித்தான்  இருக்கும்.

பெண்கள் அப்படி அல்ல.  அவர்கள் என்ன நினைக்கிறார்கள், என்ன அவர்களின் தேவை என்று அவர்களுக்கே தெரியுமோ  என்னவோ.

 அவர்களை நம்பி ஒரு காரியம் செய்யப் போனால் , இடையில் அவர்கள் மனம் மாறி விட்டால் ?

ஒரு வேளை அப்படி அலை பாயும் மனதை நினைத்துதானோ என்னவோ இந்தப் பாடலை எழுதி இருப்பார்கள் ?